VOV4.M’nông: Ôi lơ 27/12, ta Hà Nội, rơh tâm nchră khoa học lam ntur neh trực tuyến đah nkô̆: Nau dơi bah văn hoá, kon nŭih đah nau kan rgâl mhe ndrel hun hao ta Việt Nam ndrel Lào. Ta rơh tâm nchră, ăp ntoh măt nchră ăp nau kan ƀư klih nau dơi bah văn hoá, kon nŭih đah nau rgâl mhe ndrel hun hao văng sa tâm Việt Nam ndrel Lào tâm ăp năm rlau aơ, Văn hoá tâm nau ndâk nau rêh, nau gĭt kon nŭih, ngăn lah đah rơh mom, Văn hoá tâm nau pơk njêng nŭih ƀư nau kan nâp tŏng dơi nau đă mpeh nau kan rgâl mhe bah neh dak.

Nkre lah rjăp nau dơi bah văn hoá, kon nŭih tâm rnôk hun hao nâp nâl bah neh dak, kon nŭih tâm nau njêng ntŭk ntu ơm, nau rêh ơm đah ăp nau ueh khlay, mhe. Nau dơi bah văn hoá, kon nŭih tâm rnôk mât neh dak, mât nau rêh, njrăng rdâng ndrel ntrŭt jăng lơi nau sa khâm, mpŭng lir, nkoch jăng lơi ăp nau tih, rgop nau mât ân ueh nuih n’hâm bah Đảng ndrel nau dơi bah xã hội chủ nghĩa tâm rnôk aơ./.

Nŭih rblang: H’Thi