VOV4.Mnông-  Kruanh n’gâng kan tuch tăm mât rong bâh n’gâng kan tuch tăm mât rong n’hanh hun hao ƀon lan Nguyễn Như Cường an gĭt, aƀaơ ta lam dak geh klâp ma 695 rbăn ha tăm cà phê, rnoh geh rlău 1,7 rkeh tấn/năm. Tâm nĕ, ta Tây Nguyên lah 585 rbăn ha, rnoh geh rlău 1,6 rkeh tấn. Tâm ba năp nơh, nuh srê Covid-19 geh ntưp âk jêr njrăng, du đê̆ ntŭk ƀư tĭng nău ntrŭnh gŭ nkhah tâm ntŭk rêh jêng lĕ khuch âk tât nău mât chăm, pah kan đah ăp mir tơm cà phê. Aƀaơ, rnoh cà phê dôl hao yơn yor nău tât bâh nuh srê, mô tŏng nuĭh lêh play, prăk pah kan hao khlăy...ƀư an nuĭh tăm n’hanh doanh nghiệp geh âk nău jêr rnôk ma lăp yan pĕ lêh mhe. Dak Lak lah n’gor geh rnoh neh tăm cà phê dŭt âk ta lam dak. Năm aơ, yor nău khuch tât bâh nuh srê Covid-19, nău hăn nsong đah ăp n’gor geh âk nău jêr jêng lah ta ntŭk mô geh nuĭh lêh cà phê.

     Nuĭh rblang: Thị Đoắt