Măng nđaơ 23/10, Ủy viên Bộ Chính trị, Giám đốc Học viện Chính trị Quốc gia Hồ Chí Minh Nguyễn Xuân Thắng râng ƀư an nkhôm rơh tâm rlong nchih chính luận mpeh mât njrăng nău mĭn bah Đảng, njrăng n’gang ăp nău dun tih, nuĭh rlăng rơh tal 2, năm 2022. Rơh tâm rlong lĕ dơn rlău 116 rbăn tác phẩm râng tâm rlong.

Ƀư an ndơ nkhôm nsum mpôl gĭt blău ngăn

Mpôl rdâk ƀư lĕ săch an 12 giải A; 20 giải Ba; 30 giải C; 40 giải khuyến khích; 20 nuĭh nchih/rmôt nuĭh nchih lah đoàn viên, druh ndăm geh nău nchih uĕh dơi an nkhôm n’hanh 15 nuĭh nsum mpôl blău an ăp ngih pah kan, ntŭk kan, ƀon lan rgŏ jă tâm rlong jru hvi n’hanh âk nău nchih uĕh. Ntoh ngơi ta nar an giải, wa Nguyễn Xuân Thắng lah rjăp: âk nău nchih lĕ geh nkô̆ nău lý luận n’hanh thực tiễn khlay, gay uănh lah tay, n’glôch jêh trong kan nău mĭn bah Đảng, njrăng n’gang ăp nău mĭn tih, nuĭh rlăng tâm năm bah năp, n’gluh an trong mkra ngăn gay n’hao săk rnglăy ƀư tĭng nău kan chính trị khlay aơ tâm năm tât”.