VOV4.Mnông- Nău ngăn kahgĭt 92 năm nar njêng Đảng 3/2/1930-3/2/2022, măng nar 26/1, ta ngih mprơ têh, Báo điện tử Đảng cộng sản Việt Nam, pah kan ta Ban tuyên giáo Trung ương ƀư rơh bôk nău kan nghệ thuật ntoh lư khlăy êng “Mât lĕ rngôch nău knơm”. Bôk nău kan geh ƀư ueh na nê̆, tâm rgop 2 nkô̆: “Mât lĕ rngôch nău knơm” n’hanh  “Neh dak dang kao”, đah rlău 10 nkô̆ nău ntoh lư bâh ăp ntil nău mprơ, njroh geh ƀư ueh tĭng nău âm nhạc êng, nău ngơi mpeh nghệ thuật dân gian ueh mhe. Bôk nău kan lah rơh gay ma nkah tay nău nkoch trêng ntoh lư têh dăng bâh Đảng, ăp nău têl ntoh ang, nău dơi kan têh kuăng geh nău khlăy mpeh lịch sử cách mạng Việt Nam đah nău leo kan bâh Đảng, lah na nê̆ trong hăn 92 năm tâm rdâng, rdâk njêng n’hanh hun hao, nkah tay ăp nău tă blău kan rlet rlău nău jêr jŏt, ŏ r’ah, nău khit ji ndrel đah ăp nău têh dăng bâh ƀon lan lĕ dơi geh đah nău leo kan bâh Đảng n’hanh kruanh Hồ Chí Minh. Bâh nĕ, lơ ma gĭt vât n’hanh ryơk n’hao lơn mpeh mpôl rnoi Việt Nam, mpeh Đảng cộng sản Việt Nam têh dăng yor đăp mpăn bâh neh dak, hơm răm bâh ƀon lan.

Nuĭh rblang: Thị Đoắt