Nkah ndray 77 năm Nar tahen ơm  khĭt – rmanh, nar ntri (5/8), ta Jay mprơ têh Hà Nội, Mpôl ntop kơl rnăk tahen ơm khĭt Việt Nam, Radio ƀoh rup Kỹ thuật mbrô VTC, Tạp chí Lao động n’hanh Xã hội (Bộ Lao động Thương binh n’hanh Xã hội) kan nsum đah Công ty Cổ phần Hun hao nkoch trêng Văn hóa Việt Nam n’hanh ăp nhih pah kan geh tât ƀư bôk nău kan tâm nđŭr njroh mprơ “Rêh mbro đah neh dak”.

Bôk nău kan tâm nđŭr njroh mprơ “Rêh mbro đah neh dak” dơi ƀư gay nđơn tay nău way “Ngêt dak kah gĭt tu tơm” “Nkah gĭt n’hâm suan” bah rnoi nuĭh Việt Nam, nkre kuăl  jă ăp gưl, ăp n’gâng kan, ăp mpôl kan chính trị - rêh jêng kon nuĭh, doanh nghiệp, ăp nuĭh lam dak ŭanh khlay ngăn ngăn tay, nkah gĭt ăp Me Việt Nam dăng janh, ăp tahen ơm khĭt, rnăk dơi kơl- nuĭh geh n’hâm suan đah cách mạng. Bah nê, ntĭm nti nău way ơm cách mạng, nuih n’hâm rŏng dak, nău n’hao  êng săk rnoi nuĭh n’hanh n’hao nău gĭt dơn êng nău kan bah rơh kơn mom ndăm nar aơ n’hanh ôi tay klak  mpeh nău way ơm “Ngêt dak kah gĭt tu tơm” bah rnoi nuĭh Việt Nam.