VOV4.M’nông -  Tât nar 27/1, ndơ ƀư dak nteh ta ndrâm duk n’glău hồ Xuân Hương lĕ jêh ngăch ndơ̆ rhŏ an mpla nsơ an năch pâl nđaih n’hanh nuĭh ƀon lan rơh tết Nguyên đán Nhâm Dần 2022. Ndơ ƀư dak nteh aơ geh dĭng lĕ prăk ntuh kơl bơi 10 rmen prăk, yor Công ty cổ phần ntuh kơl Lan Anh-Đà Lạt an.

Ndơ mbra lah ntŭk uĕh bah Đà Lạt tâm măng, rhŏ nău ŭch djiăt bah nuĭh ƀon lan n’hanh năch pâl nđaih.

Ndơ ƀư nglăp ta nkual ndrâm duk n’glău Xuân Hương, ndâk ƀư kơt gông dak n’hông, ăp ndơ ƀư dơi ƀĭt joet đah phần mềm way dŏng. Ndơ ƀư dak nteh aơ geh ntŭk ntô têh yơn rnôk dơi an ta njônh bah n’glău Xuân Hương, ntop đah ntŭk ntô, nkual tơm nkao, âm nhạc, ŭnh ang... jêng du ntŭk uĕh mhe an nău kan pâl nđaih bah n’gor. Mô knŭng tâm rơh Tết ma ndơ nteh dak aơ mbra mât ƀư ƀa ƀơ tâm măng ăp nar prăm, nar prao, nar pơh ăp pơh, jŏ tât lĕ nar 31/12/2024.

Nuĭh rblang: Y Sưng Phê Ja