Lôch rnôk kơp dơn lăp tâm săk  ăp nkual ƀon têh blău mhe UNESCO tâm trong kan âm nhạc, nkual ƀon têh Đà Lạt (Lâm Đồng) dôl an ƀư âk trong mât ndray, ntrŭt ntrôl hun hao âk ntil ndơ uh goh mpât mprơ. Nkhêp geh nar nkual ƀon têh lam ntŭr neh 31/10, nkual ƀon têh Đà Lạt dơi UNESCO mpư rnê săk, lăp tâm ăp săk nkual ƀon têh blău rklă njêng mhe UNESCO tâm trong kan âm nhạc.

Aơ lah nar khlay gay nkual ƀon têh Đà Lạt tor luh săk, ntik n’hao tay nău dơh uĕh săk geh blău rklă mhe mpeh âm nhạc, rgop pơk hvi tâm boh dak bah dih;  ntrŭt ntrôl hun hao wăng sa- rêh jêng kon nuĭh bah n’gor. Tĭng wa Trần Quang Tú, Kruanh UBND nkual ƀon têh Đà Lạt, bah meng ntrŭt ntrŭt pah kan nkoch trêng, n’hao nău gĭt êng, nău dơn kan bah nsum mpôl, Đà Lạt dôl an ƀư ăp kôp ăp trong nkra gay mât nâp săk ntơ, ntrŭt ntrôl nkual ƀon têh blău rklă mhe hun hao âk mpeh âm nhạc tĭng di nău ton đah UNESCO. Tâm nê, lơn lah uănh khlay ƀư jăp pah kan mât ndray âm nhạc way ơm, nta trong dơh mpeh trong tĭng, trong kơl gay wăch rgum, ntrŭt ntrôl hun hao âk ntil nău âm nhạc.