Tâm năm 2023, ntŭk kan văn hoá n’gor Dak Lak mra mêt uănh, ntrŭnh ƀư ân nau hun hao nau kan pâl n’aih, nsing tâm ƀon lan tâm ƀon Trí, xã Krông Na, nkuăl Buôn Đôn. Aơ lah ntŭk gŭ rêh bah âk nŭih Việt tơm Lào, geh n’gor rgum tâm nau ƀư hun hao pâl n’aih nsum mpôl tâm ntơm rnôk aơ tât năm 2025. Tâm ƀon Trí, xã Krông Na, nkuăl Buôn Đôn rnôk aơ geh bơi tât 1000 rnăk, đah 250 nŭih Việt, tơm Lào dôl rêh rgum ndrel geh âk nau kan văng sa, văn hoá geh nsum ma ntŭk ƀư nau kan pâl n’aih Cầu treo Buôn Đôn.

Tâm khay 4 ăp năm, n’gor Dak Lak tâm rgop nsum đah rmôt nŭih ƀư nau tâm boh Việt-Lào vay ƀư Tết Bunpimay, aơ lah nau vay ơm têh ngăn bah rnoi mpôl Lào rêh tâm nkuăl. Buôn Đôn kŏ lah ntŭk geh âk nau ơm yau bah jŏ năm, leo tât nau ueh ơm bah Lào. Aơ lah ăp nau nơih ueh ngăn gay ma n’gor lŏ mêt uănh ndrel geh ăp nau kan ntop tay gay ma ntrŭnh ƀư nau kan pâl n’aih nsum ma nau nsing tâm ƀon lan gay ma mbơh ăp nau ơm ueh bah nŭih Việt tơm Lào ta Dak Lak tât đah bu năch./.