VOV4.Mnông-  Tâm 5 năm tay, n’gor Dak Lak mbra geh ntêm an rlău 20 rmen prăk gay ma geh ƀư tĭng tay nău nchrăp mât đăp mpăn n’hanh n’hao nău ueh êng chĭng gong ta ntŭk. Aơ lah nkô̆ nău ta nău nchrăp mbơh tơih ƀư tĭng Nghị quyết bâh hội đồng nhân dân n’gor mpeh nău mât rbăy n’hanh n’hao nău ueh chĭng gong ta n’gor Dak Lak, lvang năm 2022-2025 mhe geh UBND n’gor Dak Lak mbơh ntrŭnh mhe aơ.

Na nê̆, tĭng nău nchrăp mbơh ƀư tĭng Nghị quyết bâh hội đồng nhân dân n’gor gay ma mbơh ƀư ăp nău pah kan, ntoh lư kơt lah: ƀư âk trong kan mbơh tơih, mbơh n’hơ, mât rbăy nău ueh êng chĭng gong. ăp năm geh ndâk nsơm 1 nău way kuăl brah, nău tâm mâp tâm nđŭr way ơm bâh ăp mpôl rnoi đê̆ ta ntŭk ndrel đah nău pah kan mât rbăy nău ueh chĭng gong. Mĭn uănh, mât rbăy, ndâk nsơm, uănh joi, ntĭm nti n’hanh n’hao an geh săk rnglă dŏng ăp nău chĭng way ơm bâh rnoi Rđe, Bunong tâm nău rêh ntŭk rêh jêng.

Nuĭh rblang: Thị Đoắt