Wa Lại Đức Đại, Groi giám đốc N’gâng kan Văn hóa-Thể thao n’hanh Pâl nđaih Dak Lak an gĭt: Bah năm 2019, Ƀư nkah gĭt ăp tahen cách mạng ta Nhà đày Buôn Ma Thuột jêng nău ƀư ăp năm, gay cán bộ, đảng viên n’hanh nuĭh ƀon lan ăp rnoi nuĭh tâm n’gor ƀư nkah gĭt tât n’hâm soan têh bah ăp tahen cộng sản tă geh nhŭp krŭng, khĭt ta Nhà đày Buôn Ma Thuột. Aơ lah jêng “Ntŭk khlay” an nuĭh ƀon lan n’hanh năch mĭn joi mpeh lịch sử.

Kruanh n’gor Dak Lak n’hanh ăp rmôt kan, nsum mpôl mpoh nhang, an nkao ta Nhà đày Buôn Ma Thuột.

Tă bah nĕ, ntĭm nti nău mĭn, chính trị mpeh nău way ơm cách mạng bah tahen n’hanh nuĭh ƀon lan he, rgop mât uĕh nuih n’hâm tâm rnglăp, ntô̆ n’hao rnoi mpôl đêt ndrel nsrôih ndâk njêng ƀon tơm, neh dak nar lơ uĕh lăng, sâm ndrŏng.