VOV4.M’nông –  Ôi 20/4, N’gâng kan Thông tin n’hanh truyền thông n’gor Dak Lak ntơm ƀư Nar ndrôm sam ƀŭt n’hanh văn hóa răk năm 2022. Bah aƀaơ tât lĕ nar 22/4, “Nar ndrôm sam ƀŭt n’hanh văn hóa răk” geh đah âk nău ƀư kơt:

Ntơm ƀư Nar ndrôm sam ƀŭt n’hanh văn hóa răk năm 2022 ta Dak Lak

mpla nsơ ăp ntil ndrôm sam ƀŭt tĭng ăp bôk nău mpeh Ndrôm sam ƀŭt uĕh, ndrôm sam ƀŭt mhe năm 2021 n’hanh năm 2022; Ndrôm sam ƀŭt kon se, Tác giả tác phẩm Dak Lak, ăp sam ƀŭt rup mpeh ntŭk gŭ rêh; ndrôm sam ƀŭt lịch sử n’hanh ndrôm sam ƀŭt kruanh Hồ Chí Minh; Rgum nchră, nkoch tác giả, tác phẩm mhe n’hanh tâm nđŭr tác giả đah băl răk; Ƀư ntŭk ndrôm sam ƀŭt kon se n’hanh ăp nău ƀư ngăn ntŭk gŭ rêh; thư viện hăn ăp ntŭk; Rgop ndrôm sam ƀŭt, ndoh ndơ răk ndrôm sam ƀŭt an kon se ach o, ntop kơl ăp thư viện nkual jru ngai, n’har bri n’hanh ăp nuĭh ntop kơl kon nuĭh. Ndrel đah ƀư ta nkual ƀon têh Buôn Ma Thuột, ăp ntŭk hôm tâm rgop ƀư du đêt nău kan rƀŏng tĭng Nar ndrôm sam ƀŭt n’hanh Văn hóa răk ta nkual Ea H’leo đah nkô̆ nău uĕh n’hanh di nkô̆ nău.

Nŭih blang: Y Sưng Phê Ja