Ôi (16/12), ta nkual ƀon têh Buôn Ma Thuột, Bảo tàng Dak Lak hŏ ntơm pơk pla n'hơ way nkô̆ săk jăn n'hanh n'gâng kan kruanh Tôn Đức Thắng. Pla n'hơ 120 păng rup, ndơ ơm yău, hôm nha, siƀŭt khoa học n'hanh ấn phẩm mpeh kruanh Tôn Đức Thắng. Ma ăp siƀŭt ơm, ndơ hôm nha pla n'hơ, lam nuĭh gĭt kloh lơn mpeh ngoăy tâm ăp tahen rơh bôk năp tâm trong leo công nhân n'hanh rklaih luh rnoi nuĭh ta Việt Nam, lah ngoăy tâm ăp nuĭh băl tâm lơh jong năm bah Kruanh Hồ Chí Minh.

Nău rêh n'hanh nău kan cách mạng âk ntul rlong bah kruanh Tôn Đức Thắng lah trong leo lor chrat ang mpeh nuih n'hâm nsrôih mô gŭ rlu an n'gâng kan rklaih luh rnoi nuĭh giai cấp công nhân n'hanh ƀon lan pah kan. Pla n'hơ lah nău kan mbah rhơn geh nău dơi đại hội Đoàn druh ndăm cộng sản Hồ Chí Minh lam dak tâl 12 dôl ƀư ta Hà Nội. Lôch nê, ntroh n'gôr rơh mom ndăm mô rlu nsrôih kơt nti n'hanh ƀư tĭng nuih n'hâm uĕh lŏng bah kruanh Tôn Đức Thắng. 

VOV Tây Nguyên/Nuĭh rblang: Điểu Thân