Ma rhiăng ngih rƀŭn rgum nsum pah kan mô lăng nâp, tâm rnoh 1.700 ngih hŏ geh nkra, nê lah nau dôl geh tâm Dak Lak. Gay ma dơi rklaih ăp nau nkol aơ, n’hao nau nchrăp kan ăp năm ndrel jŏ jong gay ma rgum nŭih ƀon lan tât rƀŭn rgum tâm aơ, aơ lah ăp nkô̆ nau tơm bah rơh rƀŭn nchră lôch 3 năm ƀư nau ntrŭnh bah UBND n’gor mpeh nau ntrŭnh nau ƀư nau kan ndrel nau dơi mât bah Ngih rƀŭn rgum nsum, yor UBND n’gor Dak Lak ƀư ôi 16/12.

Tĭng wa H’Yim Kđoh, Groi Kruanh UBND n’gor Dak Lak, gay ma n’hao săk tam bah nau kan bah ăp ngih rƀŭn rgum nsum, UBND gưl nkuăl ndrel xã ân geh ƀư ueh nau rgum nau kan ndrel nau ƀư nâp lơn, uănh kơl an pă tơm prăk gay dơi geh ƀư ăp nkô̆ nau geh ntrŭnh tâm nau nchap đă. Ăp nkuăl kŏ an geh n’hao nau nchrăp nau kan bah ăp năm ndrel jŏ jong gay ma rgum ƀon lan tât rƀŭn rgum. Wa H’Yim kŏ đă Sở Văn hoá-Thể thao ndrel Pâl n’aih lŏ kơp uănh, nchih rnoh moh săk ndrel geh ăp nau kan ân tâm di gay ma đăp mpăn ăp thôn ƀon kŏ geh ngih rƀŭn rgum nsum, pah kan ân săk tam./.