VOV4.M’Nông-  Vơt tĭng nar văn hóa răk sƀ, ta ngih nti THPT Võ Văn Kiệt, nkuăl Ea H’leo, Hội văn học Nghệ thuật n’gor Dak Lak tâm rgop đah ntŭk kan văn hóa, thể thao n’hanh pâl nđaih, ntŭk kan ntĭm n’hanh nti, đoàn n’gor n’hanh thư viện n’gor leo ƀư bôk nău kan “săm ƀŭt n’hanh mom ndăm kon hoc”.

Nar tâm mâp geh ƀư ăp nău kan kơt lah: rgŏ jă rơh tâm rlong Đại sứ văn hóa răk n’gor Dak Lak năm 2022; mbơh tơih săm ƀŭt “Di sản Hồ Chí Minh- săm ƀŭt njoăl mom ndăm”; mbơh tơih pháp luật “Đăp mpăn nău mbơh rnôk geh dŏng Internet n’hanh tât râng dŏng mạng xã hội”. Wa Niê Thanh Mai, kruanh hội văn học nghệ thuật n’gor Dak Lak an gĭt, bôk nău kan gay ma kơl an ăp oh kon hoc geh tay nău nkhêp geh gĭt đah săm ƀŭt, nta nău nơih hun hao văn hóa răk bâh ntŭk ngih nti, ngăn lah đah ăp ngih nti ta nkual njônh ngai.

Nuĭh rblang: Thị Đoắt