Aơ lah rơh tal 2 jrô ntĭm tŭr chĭng an sinh viên dơi ƀư ta ngih sam ƀŭt đại học Tây Nguyên. Jrô ntơm ƀư bah nar 5/10 mhe rlău đah 30 nuĭh nti (geh 5 bu klô n’hanh 25 bu ur) lah sinh viên bah ngih sam ƀŭt đại học Tây Nguyên râng.

Ăp nuĭh nti ƀư mbơh jêh nti

Tâm rnôk nti rlău 1 khay, tâm ăp măng nar prao n’hanh nar pơh, ăp nuĭh nti geh 2 nghệ nhân ntĭm ăp nkô̆ nău mpeh gĭt nău nteh, gĭt tĭng chĭng rla n’hanh chĭng ngăn; mprơ nău mprơ rnoi mpôl đêt n’hanh tŭr du đêt nău chĭng bah ăp rnoi Êđê, Bana.

Ăp nuĭh nti n’hanh đại biểu chŭp rup nkah ndrăy

Ndrel đah nĕ, mpôl rdâk ƀư hôm tâm rgop đah ăp nkô̆ nău mpeh mĭn joi văn hóa n’hanh gĭt blău dŏng chĭng n’hanh nău mprơ, nău njroh. Ƀư an nuĭh nti râng ăp nău ƀư khlay, hăn tŭr njroh mprơ, boăt nthoi rhŏ an ngih sam ƀŭt, Ngih văn hóa n’gor n’hanh ngih sam ƀŭt Đại học Văn Lang (nkual ƀon têh Hồ Chí Minh).