Jêh 3 nar pah kan, Rƀŭn nchră lam ntŭr neh mpeh Trôm pư̆ yôk ŭnh rơh tal 20 n’hanh rƀŭn nchră khoa học “15 năm hun hao Công viên địa chất ta Việt Nam” lĕ jêh ăp nkô̆ nău, bôk nău kan n’gluh an.

Wa Tôn Thị Ngọc Hạnh Groi Kruanh UBND n’gor Dak Nông ntoh ngơi ta rƀŭn nchră

Ƀư ký ton sam ƀŭt kan ndrel đah ăp Công viên địa chất lam ntŭr neh nuĭh tâm trong Việt Nam đah Công viên địa chất lam ntŭr neh UNESCO Mudeungsan (Hàn Quốc)

Rƀŭn nchră lam ntŭr neh mpeh Trôm pư̆ yôk ŭnh rơh tal 20 năm aơ lĕ kơp dơn 28 nău mbơh khoa học đah âk nău mbơh, sam ƀŭt khlay mpeh yôk ŭnh n’hanh trôm pư̆ yôk ŭnh bah âk nkual ta lam ntŭr neh, rgop an hun hao nsum bah Ủy ban Trôm pư̆ yôk ŭnh lam ntŭr neh. Rgum nchră khoa học “15 năm hun hao Công viên địa chất ta Việt Nam” lĕ geh dơn 15 nău nchih tâm nchră tât bah ăp đại biểu lah ntoh măt Ăp công viên địa chất lam ntŭk ntŭr, Ăp công viên địa chất Châu Á-Thái Bình Dương n’hanh ăp dak kơt Nhật Bản, Hàn Quốc....; Tâm pă mpeh ăp săk rnglăy, ăp nău blău ơm tât bah ăp Công viên địa chất ta Việt Nam kơt Công viên địa chất lam ntŭr neh Cao nguyên lŭ Đồng Văn-Hà Giang, Công viên địa chất lam ntŭr neh Non nước Cao Bằng, Công viên địa chất Lạng Sơn. Rƀŭn nchră lĕ uănh saơ ƀư ký ton sam ƀŭt kan ndrel đah ăp Công viên địa chất lam ntŭr neh tâm ăp trong Việt Nam kơt Công viên địa chất lam ntŭr neh UNESCO Dak Nông, Công viên địa chất lam ntŭr neh Cao nguyên lŭ Đồng Văn-Hà Giang, Công viên địa chất UNESCO Non nước Cao Bằng đah Công viên địa chất lam ntŭr neh UNESCO Mudeungsan (Hàn Quốc).