Măng ntri (18/3), Tỉnh Đoàn Dak Lak ƀư bôk nău kan nkah ndray 93 năm Nar njêng Đoàn TNCS Hồ Chí Minh n’hanh rgŏ  jă tâm rlong mbah rhơn nkah ndray 120 năm Nar njêng n’gor Dak Lak đah âk rnoh tât kan na nê̆.

Đah nkô̆ “Druh ndăm Dak Lak dâk kan lor, nđơr nsan hao rdâk njêng n’gor Dak Lak ndrŏng uĕh, rsang rnglăy, săk tơm”, nkô̆ tâm rlong bah druh ndăm Dak Lak rgum tâm ăp rnoh tât kan kơt: tĭng ƀư 120 ndơ nău kan n’hanh 1.200 gâl kan druh ndăm râng rdâk njêng ƀon lan mhe n’hanh nkual ƀon têh rsang rnglăy; leo ƀư an 120.000 tơ̆ đoàn viên, druh ndăm râng rơh tâm rlong  joi gĭt “Lịch sử 120 năm têh jêng, hun hao  n’gor Dak Lak”. Ntop kơl đoàn viên, druh ndăm tĭng ƀư  300 nău mĭn mhe; mbơh nti rƀŏng  nău kan, mbơh joi n’hanh nta geh nău kan an rlău 30.000 đoàn viên, druh ndăm. Yuh Phan Thị Trinh, Groi Bí thư Tỉnh Đoàn Dak Lak an gĭt ăp rnoh tât kan rgŏ jă tâm rlong lah ăp rnoh tât kan rgum tơm  tâm pah kan đoàn n’hanh trong leo kan druh ndăm tâm năm aơ đŏng. Bah nê n’hao nău  khlay kan đoàn tâm nău tâm rnglăp druh ndăm nsum ti  đah ăp nău kan rdâk njêng ƀon tơm./.