Măng aơ 5/12, ta Quẩng trường Lâm viên, nkuăl ƀon têh Đà Lạt, n’gor Lâm Đồng mra ƀư Festival Kao Đà Lạt tal X năm 2024, đah du ntŭk geh âk ntil màu leo nŭih lăp uănh ăp nau njroh mprơ ueh. Sân khấu Festival Kao Đà Lạt tal X năm 2024, mra geh ân lah ngoai tâm ăp sân khấu têh ngăn kơp ntơm sa ơm tât rnôk aơ ta Đà Lạt, đah 5 màn hình Led têh, rnoh hvi ntŭk 1000m. Ntrong sàn ndăch têh ndrel ntrong Ba lăng điện kŏ geh dŏng tâm ăp nau ƀư njroh mprơ.

Sân khấu đah ăp ntŭk ƀư kơt tâm phim trường đah ăp ntil màu bah ntŭk nkra rup bah ăp ntil Kao ueh ngăn bah Đà Lạt, kơt Kao Hồng, Mimosa, Cẩm Tú Cầu, Dã Quỳ, tâm nê geh nau ƀư “Kao dã quỳ” geh dŏng, ntoh ân nuih n’hâm tâm rnglăp ndrel hao lơn bah kon nŭih Đà Lạt. Măng ntơm ƀư Festival Kao Đà Lạt tal 10 năm 2024 đah sân âk âk ntil mra njêng nau ueh ngăn ân rbăn nŭih bu năch tât uănh./.