Geh ƀư tâm 2 nar bâh nar 5 tât nar 6/11, Bảo tàng n’gor Gia Lai geh ƀư nar Hội di sản văn hóa năm 2022 ta bảo tàng. Tât râng nar hội geh ăp mpôl nghệ thuật,, mpôl nghệ nhân bâh ăp mpôl rnoi Tây Nguyên n’hanh Tây Bắc dôl gŭ rêh ta n’gor.

Nar hội lĕ geh ƀư âk nău kan nghệ thuật kơt lah: pla n’hơ nău ueh êng chĭng gong, njroh xoang, ntĭt mpơl tay nău ueh êng mpeh văn hóa chĭng gong Tây Nguyên, njroh sạp, njroh xòe bâh nuĭh Mường, nău ƀư njroh cấp sắc bâh nuĭh Tày, Nùng, njroh khèn n’hanh uh n’hôm bâh nuĭh H’Mông. Ta nar tâm mâp nđur di sản năm 2022 lah nău pah kan mpŏng tât mât rbăy n’hanh n’hao nău way văn hóa ueh êng bâh ntŭk rêh jêng ăp mpôl rnoi dôl gŭ rêh ta n’gor Gia Lai, bâh nĕ mbơh tơih nău kan rup neh n’hanh nuĭh Gia Lai, ntop ntrôl hun hao pâl nđaih ta ntŭk.