VOV4.M’nông -  Ăp nar êp Tết Nguyên đán, nô Siu Phi Lip (deh 1992, ta ƀon Yon Tok, xă Ia Glai, nkuăl Chư Sê, n’gor Gia Lai) dôl n’hanh rnăk wâl nchrăp ăp ndơ sa nar Tết. Ndrănh yăng, poăch ndrôk ih du nar, djăr, sŭr, phe m’êt lĕ tŏng ăp. Yơn tĭng nô Tết mô dơi mô geh du ndơ lĭp bah nuĭh Jrai. Nô ndrel yuh bah pơng hăn xă Ia Mơr, nkuăl Chư Prông, tă ntŭk gŭ nklăp 20 km gay joi. Nô Siu Phi Lip lah:

“Bôh trĭch way sŏk tâm yan wai, ri kah ngăn. Yor yan wai geh tăp. Yan wai gâp bah jay hăn xă Ia Mơr, nkuăl Chư Prông, Yan aơ âk ngăn, djôt đah nilon, pêh, thùng. Saơ rsoăn trĭch ri sŏk tô tre đah dŭng. Rnôk hăn 3 mông ôi tât 8 mông lah lĕ bêng dŭng hôm, geh rnôk tât 2 tât 3kg, lah mâp lap. Rnôk sĭt jay, he mbra trăm tâm dak an kloh, ih kro bah 1-2 nar. Jêh nĕ he juh đah bôh, mrăch, gay rlău Tết mô lah an 2-3 khay. Tâm rơh lễ Tết, he way lĭp bôh aơ đah poăch ndrôk, poăch sŭr, poăch đê ri kah ngăn.

Nŭih blang: Y Sưng Phê Ja