Nar 22/3, ta Buôn Ma Thuột, n’gor Dak Lak lĕ ntơm ƀư Hội thao rkum tâm rlong ăp N’gâng kan Tuch tăm mât rong n’hanh Hun hao ƀon lan nkual Đông Nam Bộ n’hanh Tây Nguyên. Bơi 200 nuĭh tâm rlong bah 12 N’gâng kan Tuch tăm mât rong n’hanh hun hao ƀon lan râng tâm rlong ta 4 môn: cầu lông, bóng bàn, tenis, chưng play di nuĭh đah dĭng lĕ 18 nkô̆ nău tâm rlong.

Ntoh ngơi ntơm ƀư, kruanh N’gâng kan tuch tăm mât rong n’hanh hun hao ƀon lan Dak Lak, lah rlăp: nău ƀư aơ geh nkô̆ chính trị, rêh jêng, geh nău tâm rgop nkual, gay nta an mông nar tâm rlong n’gŭr răm, ntrôl dăng nău rgŏ jă “Tiăr nti săk jăn tĭng Wa Hồ he” tâm công chức, nuĭh pah kan, đoàn viên công đoàn tâm nău kan. Nkre, aơ lah di an cán bộ công nhân viên chức nău kan tuch tăm mât rong hun hao ƀon lan ăp n’gor Đồng Nam bộ n’hanh Tây Nguyên n’hao tâm nđŭr nti, tâm rgâl nău blău ơm, rhăt jăp nău tâm boh tâm rnglăp, dăch dêh, tâm rgop, tâm kơl lôch uĕh nău kan dơi jao.