Rgop mât ndrăy, ƀư uĕh ăp nău khlay văn hóa way ơm; rƀŏng tât mbah rhơn nkah gĭt 40 năm Nar Nhà giáo Việt Nam n’hanh nkah gĭt 110 năm Nar ndâk njêng n’gor Kon Tum, Ta jay nhih Kon Klor, phường Thắng Lợi, Jrô kan ntĭm nti nkual ƀon têh Kon Tum, n’gor Kon Tum ƀư tâm nđŭr Chĭng gông-Njroh xoang n’hanh tâm rlong mbân ao rnoi mpôl đêt an kon hŏk rơh tal 6 năm 2022.

 Du đêt rup ta Tâm nđŭr.

Tâm nđŭr chĭng gông-Njroh xoang n’hanh tâm rlong mbân ao rnoi mpôl đêt an kon hŏk dơi Jrô kan ntĭm nti nkual ƀon têh Kon Tum mât ƀư 2 năm du tơ̆. Ta Tâm nđŭr rơh tal 6 năm aơ geh 16 rmôt đah 1.100 kon  hŏk râng, 500 kon hŏk njroh xoang n’hanh bơi 250 kon hŏk treng kho ao rnoi mpôl đêt.

Du đêt rup ta Tâm nđŭr.

Lĕ rngôch ăp oh lah kon hŏk Tiểu học n’hanh Trung học cơ sở đah âk oh rnoi mpôl đêt Ba Na.

Du đêt rup ta Tâm nđŭr.

Nău mât ƀư Tâm nđur Chĭng gông-njroh xoang an kon hŏk lah nău ƀư ngăn ngên bah nău kan ntĭm nti nkual ƀon têh gay mât ndrăy, mât uĕh nău khlay văn hóa way ơm, mât rong huêng ăp oh nar lơ uĕh n’hanh kơl ăp oh nti nsơm, geh nău mĭn nău ƀư ƀư uĕh.