VOV4.M'nông: Kruanh dak Nguyễn Xuân Phúc hŏ ký si ƀŭt n'glêh an mpeh nău nkhôm Huân chương Lao động an ăp nuĭh tâm rlong geh nău dơi âk tâm SEA Games 31 mhe aơ. Tĭng nê, Kruanh dak n'glêh an ntăm Huân chương Lao động hạng Nhì an 5 nuĭh tâm rlong geh nău dơi âk ta SEA Games 31: Nguyễn Huy Hoàng, Rmôt tâm rlong re gưl neh dak, geh 5 Huy chương vàng, rlău 2 nău dơi têh ta SEA Games; Trần Hưng Nguyên, Rmôt tâm rlong re gưl neh dak, geh 4 Huy chương vàng, rlău 2 nău dơi têh ta SEA Games 31; Nguyễn Thị Hương, Rmôt tâm rlong Canoeing gưl neh dak, geh 5 Huy chương vàng; nuĭh tâm rlong Nguyễn Thị Oanh, Rmôt tâm rlong nchuăt ngăch gưl neh dak, geh 3 Huy chương vàng, rlău 1 nău dơi têh ta SEA Games. Kruanh dak Nguyễn Xuân Phúc n'glêh ntăm an Huân chương Lao động hạng Ba an 2 mpôl n'hanh 19 nuĭh geh nău dơi âk ta SEA Games 31. Bar mpôl lah: Rmôt chưng bu klô U23 gưl neh dak n'hanh Rmôt chưng play bu ur gưl  neh dak, geh Huy chương vàng SEA Games 31 da dê./.

Nuĭh rblang: Điểu Thân