VOV4.M'nông-Di rơh kahgĭt 77 năm nar Quốc khánh 2/9, kêng măng nar 25/8, ta nkuăl têh Đinh Văn, Lâm Hà, n’gor  Lâm Đồng lĕ geh ƀư tâm nđur ăp câu lạc bộ văn hóa- njroh mprơ way ơm tal 1 năm 2022.

Tât râng tâm nđur aơ geh rlău 260 diễn viên tât bâh 13 câu lạc bộ văn hóa- njroh mprơ way ơm bâh Lâm Đồng. Tâm nđur gay ma ryơk rnê n’hanh n’ghao nău khlăy ăp ntil ndơ njroh mprơ way ơm bâh mpôl rnoi Việt Nam lah nsum, ăp mpôl rnoi đê̆ nuĭh kan ta Lâm Đồng lah êng.

Lâm Đồng: Ntơm pơk rơh tâm nđur ăp câu lạc bộ văn hóa- njroh mprơ way ơm.

Tâm rnôk 2 nar, 53 nkô̆ nău mprơ rnê mpeh Đảng, Wa Hồ têh rŏng, rnê nău rŏng ƀon tơm neh dak mbra geh ăp câu lạc bộ tâm rlong bâh âk nău kơt tâm pât, ndrĭng nău, nhir kon, tuồng chèo, cải lương, uh goh ăp ntil ndơ nteh mpôl rnoi.

Nuĭh rblang: Thị Đoắt