VOV4.M’nông: Lơ 4/4, Kruanh n’gâng kan Văn hoá-Thể thao-Pâl n’aih Nguyễn Văn Hùng hŏ ký nau ntrŭnh leo lễ hội Ka tê bah rnoi chăm n’gor Bình Thuận tâm moh săk ăp ntil ndơ ơm yau khlay bah neh dak. Ka tê lah du nau ơm ueh tâm năm bah rnoi chăm tĭng chroh Bà-la-môn, geh tâm bôk khay 7 Chăm lịch ăp năm (nklăp dŭt khay 9 bôk khay 10 dương lịch). Aơ lah nau ơm ueh, gay nkah ăp brah yang bah rnoi chăm ndrel nkah tât yau ye, u che. Lễ hội Ka tê geh tâm ntŭk têh, ntơm bah ăp đền tháp jêh ri hăn ăp thôn, ƀon ndrel jêh nê lah tât ăp rnăk vâl rnoi Chăm. Rnoi Chăm Bình Thuận geh rlau 8.300 rnăk rêh rgum tâm 9 thôn, tâm rgop tâm 4 xã. Tâm nê, rlau n’gul rnoh nŭih Chăm ta aơ tĭng choh Bà-la-môn. Lễ hội Ka tê hŏ jêng nau khlay bah rnoi Chăm ta Bình Thuận, rgop nau mât nau ơm ndrel ƀư ueh ăp nau khlay ơm bah rnoi chăm. Nkre, aơ kŏ lah rnôk gay mbơh nau ơm ueh vah rnoi chăm tât bu năch tâm ndrel bah dih dak./.

Nŭih rblang: H’Thi