VOV4.M’nông - Rwăch chưng bôk năl giải Futssal HDBank Vô địch Quốc gia năm 2022 na nê̆ ntơm tâm rlong ta nkual ƀon têh Đà Lạt (Lâm Đồng) tâm nar aơ 1/6. Ăp trong nchrăp an giải lĕ dơi Mpôl rdâk ƀư n’hanh ngih pah kan dơi kan bah n’gor Lâm Đồng mbơh jêh. Giải Futssal HDBank Vô địch Quốc gia 2022 geh 11 rmôt râng. Mpôl rdâk ƀư kơt dŏng tay trong tâm rlong pă ƀư 2 gưl gay n’hao nău tâm rlong, geh nău uĕh ăp rơh tâm rlong. Lvang 1 ƀư bah nar 1/6 tât nar 9/6, đah 5 rmôt râng. Ăp rmôt aơ mbra tâm rlong rwăch du rơh gay kơp điểm, dăp gưl. Tâm nĕ, 4 rmôt geh gưl têh ngăn râng rwăch tal 2 bah giải. Lvang 2 geh 10 rmôt râng tâm rlong tâm rwăch geh 2 rơh hăn n’hanh rơh sĭt. Tâm nĕ, rơh hăn ƀư bah nar 13/6 tât nar 4/7 ta ntŭk Tiăr nti n’hanh tâm rlong thể dục thể thao n’gor Lâm Đồng, rơh sĭt nchrăp ƀư bah nar 5/11 tât nar 26/11/2022 ta Ngih tâm rlong Đa năng Cần Thơ.

Nuĭh rlang: Y Sưng Phê Ja