Di nkah gĭt 20 năm nar ndâk njêng tay, 23/3, UBND n’gor Dak Nông tâm rgop đah Ntŭk mât prăp Ngih dak 2 ƀư ntơm mpla nsơ “Lịch sử têh jêng, ăp nău geh chính trị, wăng sa, văn hóa, rêh jêng, rnă njrăng, mât njrăng bri dak bah Dak Nông tâm 20 năm”.

Mpla nsơ bơi 270 rup, tài liệu, bản đồ, phiên bản mộc ndâk ƀư tay văn hóa, lịch sử, nău geh wăng sa-rêh jêng, rnă njrăng, mât njrăng bri dak bah Dak Nông kăl e n’hanh aƀaơ. Tâm nĕ, geh âk san ƀŭt mât prăp luh bah tă aơ bơi 2 rach năm. Âk sam ƀŭt, bản đồ mpơl nău rgâl rmôt kan hành chính, săk neh, săk ƀon ta n’gor Dak Nông tă bah ăp răch năm. Mpla nsơ lah ntŭk pă an sam ƀŭt sam tra tơm geh nău khlay an trong kan mĭn njêng văn hóa, lịch sử bah ăp nuĭh khoa học; geh ntŭk ntô nti, mĭn joi mpeh way ơm an nuĭh ƀon lan ta ntŭk.