VOV4.M’nông – Ôi 21/4, ta bảo tàng chiến dịch Hồ Chí Minh, Cục Chính trị Quân khu 7 ƀư mpla nsơ “soan dăng tahen ƀon lan tâm rơh tâm lơh Hồ Chí Minh n’hanh nchăng n’gang srê, kơl ƀon lan”. Mpla nsơ, nkoch rlău 300 păng rup, sam ƀŭt sam tra, ndơ dơi ăp ntŭk kan tahen he dŏng tâm rơh Tổng tiến công n’hanh rdâk lơh yan puh năm 1975 n’hanh rlău 500 ndrôm sam ƀŭt. Ntŭk ntô mpla nsơ dơi mpla tĭng 2 nkô̆ nău: Soan dăng tahen ƀon lan tâm rơh Tổng tiến công n’hanh rdâk lơh yan puh năm 1975; Tahen ƀon lan ndrel soan du nuih n’hâm nsrôih lơh dăng srê Covid-19.

Hăn uănh nsong mpla nsơ

Ntoh ngơi ntơm ƀư mpla nsơ, Đại tá Thái Thành Đức, Groi Kruanh Cục Chính trị Quân khu 7 mĭn lah: tâm rnglăp tahen ƀon lan lah tu tơm soan dăng ƀư jêng lơh dăng năm 1975. Tâm rơh srê Covid-19 rơh tal 4, tahen n’hanh ƀon lan Quân khu 7 lĕ geh rlău 200 nar rŭn soan nchăng n’gang srê. N’hao nuih n’hâm “nchăng n’gang srê kơt nchăng n’gang rlăng”, bơi 10.000 tahen tơm khlay bah Quân khu n’hanh rlău 70.000 dân quân tự vệ hăn lor tâm ntŭk srê.

Nŭih blang: Y Sưng Phê Ja