VOV4.M'nông: Nar rgum ndơ ngêt sa n'hanh pâl nđaih ƀon hăr ti kan Hà Nội 2022 rnôk SEA Games 31 gay nkoch n'hơ ndơ sa Hà Nội, nkơnh tât năch tâm n'hanh bah dih dak ƀon hăr ti kan way ơm Thủ đô - Ntŭk rgum 47/52 nău kan way ơm bah Thủ đô. Nchrăp ƀư jŏ tâm 5 nar, ntơm bah nar 19 tât 23/5, ta nkual meng trong Lê Quang Đạo, quận Nam Từ Liêm (tâm rle đah trong tâm rlong F1). Ban tổ chức an gĭt, mbra ƀư 6 nkual tĭng nkô̆  êng êng, tâm nê geh du đêt ƀon way ơm hŏ hun hao tăch rgâl n'hanh pâl nđaih đah ăp bôk nău kan pâl nđaih ƀon hăr ti kan an năch tât uănh n'hanh rvăt năp ăp ndơ geh ƀư ma jâng ti kơt nău kan mon uk Bát Tràng, ƀon cheh tanh bok sut Vạn Phúc, tanh tôk Phú Vinh, sơn mài Hạ Thái, Sơn Đồng…Aơ lah nău kan gay ntrŭt ntrôl năch pâl nđaih tât dơi ƀư têh hvi n'hanh geh nkô̆ hôr jru, ntrŭt nsôr nuĭh ƀon lan Thủ đô lah êng hăn pâl tât ăp ntŭk uĕh bah Hà Nội; wăch rgum ƀon lan ăp n'gor êng ƀa ƀă tâm dak tât đah Thủ đô Hà Nội lah nsum, nkre nkoch n'hơ ăp rnoh khlay mha êng, săk ntơr bah ƀon hăr ti kan, ndơ sa Hà Nội.

Nuĭh rblang: Điểu Thân