N’gor Dak Lak dôl ntrŭt dăng ngăch nau nchrăp ƀư ân nau nkah 50 năm nar lơh dơi rklaih Buôn Ma Thuột, n’gor Dak Lak ndrel Lễ hội cà phê Buôn Ma Thuột mra geh ƀư tam bôk khay 3 năm 2025. Tĭng nê, ăp nau kan di nkah 50 năm geh nau dơi Buôn Ma Thuột ndrel rklaih đăp mpăn n’gor Dak Lak (10/3/1975-10/3/2025) geh âk nkô̆: Nau mpoh kthup, leo nkah tâm môch tâp tahen khĭt bah n’gor ndrel ntŭk nkah bah neh dak khlay Ngih nkông krŭng Buôn Ma Thuột;

Nau ƀư rgum rƀŭn, jur hăn trong, tâm nchră khoa học “50 năm dơi rklaih đăp mpăn Buôn Ma Thuột-Nau khlay ndrel nau tă geh blau ơm” “Mpla n’hơ rup “Dak Lak- 50 năm ndâk njêng ndrel hun hao”; ăp nau kan văn hoá, njroh mprơ. Kruanh UBND n’gor Dak Lak Phạm Ngọc Nghị mbơh kloh, ăp nau kan di nkah 50 năm geh nau dơi rklaih Buôn Ma Thuột (10/3/1975-10/3/2025), rklaih n’gor Dak Lak ndrel Lễ hội cà phê Buôn Ma Thuột tal 9 năm 2025 lah nau kan chính trị tơm khlay bah n’gor tâm năm ba kơi./.