Nău mbơh ta nar tâm nchră, bah năm 2018 tât aƀaơ, n’gor Dak Lak lĕ mkra 49 nău tih hành chính mpeh mpla nsơ mpa bri, tâm nĕ geh âk nău tih geh tât tăch rwăt la rveh n’hanh ăp ndơ bah rveh.

Ăp nmuĭh ntoh măt tâm nchră ta nar rƀŭn.

Tâm rnoh aơ, geh 2 hê ta nkual ƀon têh Buôn Ma Thuột geh rmal hành chính rlău 390 rkeh prăk du hê, du hê nuĭh êng geh phŏng rmal 18 năm gŭ ndrung. Knŭng êng tâm 6 khay bôk năm aơ, dĭng lĕ rnoh prăk sŏk geh bah rmanh hành chính ăp nău tih mpeh la rveh ta Dak Lak rlău 2 rmen prăk.

Ăp ntŭk kan tâm ton hăn ndrel nsum ty mpla nsơ rup ndah Dak Lak-Ntŭk tât uĕh đah rveh.

Ta nar rgum nchră, ăp ntŭk kan doanh nghiệp tăch rgâl ndơ pâl nđaih lĕ tâm nchră mpeh nău n’hao wât bah năch pâl nđaih tâm trong kan mât njrăng rveh, nking n’gang ăp nău tih mpeh la rveh. Nău nkoch trêng mpla nsơ rup ndah Dak Lak-Ntŭk tât uĕh đah rveh, an n’hao gĭt wât bah rmôt ƀư pâl nđaih gay khân pơng rgop nkoch trêng tât đah năch.