VOV4.Mnông- Kêng măng nar 20/4, ta nkuăl ƀon têh Pleiku, nar tâm mâp tâm nđur văn hóa ăp mpôl rnoi đê̆ nuĭh n’gor Gia Lai tal 1 năm 2022 lĕ lôch. Lôch 2 nar tât râng ăp nău kan, bơi tât 800 nghệ nhân tât bâh 16 nkuăl, nkuăl ƀon têh lĕ tât an nkual yôk Pleiku nău ueh n’gôr ntoh lư, ueh nău way ơm.

Pă cờ nkah ndrăy n'hanh bằng khen an ăp mpôl tâm rlong

Ăp mpôl kan lĕ njêng ntĭt tay nău rêh bâh ntŭk rêh jêng bâh ăp nău kan. Tŭr chĭng goh gong, tâm pât, njroh, uh nteh, trah mom rup, tanh tôk, cheh tanh...Lĕ rngôch ăp ndơ dŏng, nău kan bâh ăp mpôl tât râng kơt lah: ngih rông, ngih môch...lĕ geh ƀư bâh ndơ ta bri kơt lah si, ja, nkar ngâr. Rnâng kan leo kan lĕ pă bằng khen, cờ nkah ndrăy an ăp mpôl kan geh nău dơi ntoh lư tâm nar tâm nđur. Mpôl nghệ nhân nkuăl Chư Păh geh giải 1 nkô̆ nău mprơ tâm pât, mpôl nghệ nhân Pleiku geh gỉai ngoăy 2 nkô̆ nău njroh n’hanh tŭr chĭng, mpôl nghệ nhân Đăk Đoa geh giải ngoăy uh goh nteh ndơ way ơm.

Nuĭh rblang: Thị Đoắt