Tâm 2 nar (19-20/8), UBND nkual ƀon têh Buôn Ma Thuột, n’gor Dak Lak ƀư Tâm nđŭr Nghệ thuật quần chúng rơh tal 4, năm 2024 đah bôk nău Giai điệu Tổ quốc. Tâm nđŭr ƀư n’gŭr răm đah âk nău mprơ uĕh, geh âk văn hóa rnoi mpôl đêt. Bơi 700 diễn viên mô chuyên bah 23 rmôt văn nghệ ta 21 xă, phường ta lam nkual ƀon têh Buôn Ma Thuột lĕ râng njroh mprơ bơi 120 nău njroh mprơ.

Đah ăp ntil đơn ca, song ca, tốp ca, mprơ njroh, ndrel đơn, mboăt n’hôm, dân ca, dân vũ, mprơ then. Ăp nău mprơ lĕ geh âk nkô̆ nău mprơ rnê Đảng, Wa Hồ, nău rŏng ƀon tơm, neh dak, nău way ơm mât njrăng cách mạng n’hanh mpŏng ŭch ndâk njêng ƀon tơm ndrŏng uĕh. Lôch tâm nđŭr, mpôl rdâk ƀư lĕ an 46 giải A, B, C n’hanh khuyến khích an ăp nău mprơ uĕh. Jao an 11 giải lam rmôt an ăp ntŭk kan geh âk nău mprơ uĕh ngăn n’hanh tŏng ăp nkô̆ nău tĭng rnoh rơh tâm rlong.