VOV4.M’nông - Măng 19/4, Nar Hội Văn hóa ăp rnoi mpôl đêt n’gor Gia Lai rơh bôk năp năm 2022, lĕ dơi ƀư ta Quảng trường Đại Đoàn Kết, nkual ƀon têh Pleiku. Ƀư tâm 2 nar, bah 19/4 tât 20/4, nar Hội Văn hóa ăp rnoi mpôl đêt n’gor Gia Lai rơh bôk năp năm 2022 geh tât râng bah 800 nghệ nhân, cán bộ, công chức, ăp rnoi mpôl ta lĕ rngôch 16 nkuăl, nkual têh, nkual ƀon têh bah n’gor.

Ntơm ƀư nar Hội Văn hóa ăp rnoi mpôl đêt n’gor Gia Lai.

Nar rgum lah ngoăy tâm âk nău ƀư rgop mât ndrăy, ƀư uĕh ăp nău khlay văn hóa way ơm bah ƀon lan ăp rnoi mpôl đêt n’gor Gia Lai; mbah rhơn nar Văn hóa ăp rnoi mpôl đêt Việt Nam (19/4); nkah gĭt 47 năm nar rklaih đăp mpăn miền Nam, tâm ban ŭch neh dak n’hanh 90 năm nar Ndâk njêng n’gor Gia Lai. Nar Hội Văn hóa ăp rnoi mpôl đêt n’gor Gia Lai lah di an ƀon lan ăp rnoi mpôl tâm n’gor mâp, tâm nđŭr, tâm rgâl nău blău ơm n’hanh rhăt jăp nuih n’hâm tâm rnglăp.

Nŭih blang: Y Sưng Phê Ja