VOV4.M’nông: Đah nkô̆ nau “Trường SƠn Tây Nguyên-Tâm rnglăp, geh nau mhe ndrel hun hao” măng 16/3, ta Quảng trường ntŭk kan nkuăl Kon Plông, n’gor Kon Tum ƀư nar tâm n’ur nau njroh mprơ ăp nau ơm ueh ăp rnoi mpôl nkuăl Trường Sơn-Tây Nguyên pơk hvi tal III năm 2022. Râng nau tâm rlong geh 600 nŭih tă bah ăp rnoi mpôl bah 19 n’gor, nkuăl ƀon têh tâm lam dak.

Geh tâm 4 nar, ntơm lơ 16 tât lơ 19/3, nau tâm n’ur njroh mprơ mra geh ăp nau kan, kơt: Mbơh nkoch ăp nau pâl ơm tĭng nau vay ơm, nau ngêt sa, ôp brah, ăp nau njroh, nau mprơ ueh, nsoh rlong ueh nah ao bah rnoi mpôl đê̆, ndơ goh, nteh ơm, Ching gong Tây Nguyên ndrel ăp nau kan tâm rlong thể thao, tâm rlong ndơ ngêt sa gay ma mât, nkoch mbơh ndrel ƀư ân ueh ăp nau ơm vay ueh bah rnoi mpôl ăp rnoi tâm nkuăl Trường Sơn-Tây Nguyên ndrel ntoh măt bah du đê̆ rnoi mpôl oh nô êng tâm lam dak./.

Nŭih rblang: H’Thi