VOV4.M’nông: Lơ 19/5, ta nkuăl ƀon têh Buôn Ma Thuột, Rmôt nhạc sĩ Việt Nam tâm rgop nsum đah n’gor Dak Lak ƀư nau tâm n’ur âm nhạc lam dak rơh 1 năm 2022 đah nau râng bah ăp rmôt nŭih njroh mprơ bah 20 n’gor, nkuăl ƀon têh tâm lam dak. Geh ntơm rnôk aơ tât lơ 20 tât, nau tâm n’ur lam dak rơh aơ geh 52 nau mprơ, nau goh nteh, dŏng ăp ntil ndơ goh. Nkô̆ nau bah ăp nau njroh mprơ, âm nhạc rnê Đảng, Wa Hồ, neh dak ndrel dak lêng, gôl dak Việt Nam, nau dơi, nau kan ndâk njêng ƀon lan mhe tâm dak he rnôk aơ.

Ngăn lah geh âk nau njroh mprơ tĭng nau ơm bah ăp nkuăl, ngăn lah âm nhạc bah Tây Nguyên. Nau tâm n’ur âm nhạc lah nar rgum bah ăp nŭih njroh mprơ ndrel nŭih ŭch rŏng njroh mprơ gay rnê, nkoch mbơh ăp nau ueh, nau blau bah âm nhạc mhe, lŏ bonh đă nau joi ăp nau blau tâm ăp nau kan: ndrĭng nau mhe, njroh mprơ, nkrih âm nhạc, Kŏ lah rơh tâm mâp, tâm nchră, tâm n’ur âm nhạc đah ăp nŭih ndrĭng ndrel nŭih njroh mprơ tŏng dơi nau ŭch uănh, djăt nar lơn ma prêh bah nŭih ƀon lan./.

Nŭih rblang: H’Thi