VOV4.M’nông – Ôi (26/5), ta tach chưng play nkual ƀon têh Buôn Ma Thuột, Liên đoàn Bóng đá Việt Nam, N’gâng kan Văn hóa Thể thao n’hanh Pâl nđaih Dak Lak n’hanh Báo Thiếu niên Tiền phong n’hanh Nhi đồng tâm rgop ntơm ƀư vòng bảng 3 Giải bóng đá U13 kon se rchong lam dak Cup Yamaha 2022.

Ntơm ƀư vòng bảng 3 Giải chưng play U13 kon se rchong lam dak ta Dak Lak

Tât râng Vòng bảng 3 Giải bóng đá U13 kon se rchong lam dak Cup Yamaha 2022 geh 7 rmôt bóng râng, geh: Bình Dương, Khánh Hòa, Phú Yên, QNK Quảng Nam, Quảng Ngãi, Hoàng Anh Gia Lai n’hanh Dak Lak. Ndrel đah bảng 3 ntơm ƀư ta Dak Lak, ri bảng 1, 2 n’hanh 4 ƀư ta du đêt n’gor, nkual ƀon têh ta lam dak. Bôl lah vòng bảng, yơn giải geh tâm trong tâm rlong lam dak, ăp nuĭh chưng lah ăp nuĭh kon se blău bah bóng đá ăp n’gor, dơi ntĭm nti uĕh blău ngăn.

Nŭih blang: Y Sưng Phê Ja