VOV4.M'nông: Nkhêp nkah ndray 132 năm Nar deh Kruanh Hồ Chí Minh n'hanh nkah ndray 35 năm mpôl kan ntĭm nti, Khoa học n'hanh Văn hóa bah Liên hiệp quốc (UNESCO) mpư rnê săk Kruanh Hồ Chí Minh lah “Nuĭh dăng janh rklaih luh rnoi nuĭh", "Danh nhân văn hóa kiệt xuất”, ta Sân vận động Làng Sen, xã Kim Liên, nkuâl Nam Đàn, Uỷ ban nhân dân n'gor Nghệ An kan nsum đah Bộ Văn hóa, Thể thao n'hanh Pâl nđaih ƀư ntơm pơk Lễ hội Làng Sen n'hanh Liên hoan Tuồng n'hanh Dân ca kịch lam dak năm 2022.

Ntơh măt ăp bộ, n'gâng kan, nhih pah kan trung ương, kruanh rđău kan n'gor Nghệ An n'hanh bơi 1.000 nghệ sỹ, diễn viên, nuĭh tâm rlong n'hanh ăp kon se jê̆ n'hanh âk mpưm ƀon lan tât râng lễ. Ta Lễ ntơm pơk Lễ hội Làng Sen, ăp nuĭh râng, nuĭh ƀon lan tâm n'gor n'hanh năch pâl nđaih hŏ dơi tĭng groi nđôi bôk nău kan njroh mprơ săk ntơr êng "Người là niềm tin tất thắng" ndrel ăp nkô̆ nău njroh mprơ rgum, mprơ rnê Wa Hồ, mprơ rnê Đảng n'hanh nău tâm rŏng ƀon tơm neh dak./.

Nuĭh rblang: Điểu Thân