VOV4.M’nông-Măng nar 29/3, ta xã Ka Đờn, nkuăl Đơn Dương, n’gor Lâm Đồng lĕ geh ƀư rơh ntơm pơk nar văn hóa, thể thao nkual rnoi đê̆ n’gor Lâm Đồng tal 5-2022.

Đah bôk nău “Gloh nteh gôl yôk”. Nar tâm nđur văn hóa, thể thao nkual rnoi đê̆ n’gor Lâm Đồng tal 5-2022 geh 300 nghệ nhân tât bâh 12 nkuăl, nkuăl ƀon têh ta n’gor tât râng. Tâm rnôk 2 nar, nar tâm nđur geh ƀư âk nău kan gay ma mbơh tơih mpeh mât rbăy, n’hao nău khlăy ăp ntil ndơ ueh êng chĭng gong Tây Nguyên, tâm rlong ƀư tĭng geh nău dơi Đại hội Đại biểu lam dak tal 13 bâh Đảng.

Ngăn lah, ntơm pơk  n’hanh măng tâm nđur tâm rnglăp “Ngloh nteh gôl yôk”, geh âk nău njroh mprơ geh ƀư, njêng ntĭt tay nău kan vơt brah ŭnh, brah chĭng, kuăl brah ndrâm dak bâh nuĭh Chu Ru, tâm nđur mât ndơ sông sa n’hanh tŭr chĭng goh gong, njroh xoang, tâm mâp ntŭk rêh jêng bâh ăp nuĭh Mạ, K’ho..Rlău ma nĕ, nar tâm mâp hôm nha geh ƀư ăp rơh tâm rlong mpeh thể thao, ăp nău pâl rlưn way ơm, tâm rlong tŭr chĭng n’hanh tâm pât mprơ.

Nuĭh rblang: Thị Đoắt