Kêng măng 11/11, ta meng n'glău Xuân Hương nkual ƀon têh Đà Lạt (Lâm Đồng) hŏ ƀư bôk nău kan ntơm  pơk pla n'hơ rup "Thiên đường Tây nguyên" n'hanh nkơnh n'hơ ndơ nsoh "Bok sut n'hanh ndeh cheh tanh Tây nguyên".

Aơ lah bôk nău kan ntơm an 9  rêng bôk nău kan bah Festival kao Đà Lạt tâl 9 năm 2022. Năch pâl nđaih n'hanh nuĭh ƀon lan ta ntŭk dơi joi gĭt, rlong uănh saơ ntŭk rêh jêng gĭt blău ƀon tơm Tây nguyên, đah ăp jay rot way ơm dơi rdeng, ntrŭp roh âk mông nar ƀư.

Lơn lah tâm nê geh jay rot Măng Đen ndrel ăp nuĭh gĭt blău cheh tanh bok brai, ta tôk, trah mon rup si tât bah Kon Plông, n'gor Kon Tum. Nkre uănh saơ, rgum pla rlău 5.000 ndơ ơm yău văn hóa; uănh saơ nău tâm râp lăp nsum bah ăp păng rup, săk ndrang bah bok sut hul Silk house lor bôk năp dơi cheh tanh ma ti tă bah nuĭh ƀon  lan rnoi mpôl đê̆ tơm Tây Nguyên njêng luh ăp ndơ nkrơ̆ nsoh uĕh khlay.

VOV Tây Nguyên/Nuĭh rblang: Điểu Thân