Aơ lah nău ƀư ăp năm bah N’gâng kan Công Thương gay rƀŏng tĭng rơh rgŏ jă “Nuĭh Việt Nam kơl dŏng ndơ Việt Nam” tă bah N’gâng kan Chính trị rgŏ jă. Đah nău mbơh ndâk njêng nău rêh nsum mpôl doanh nghiệp nkra njêng, tăch rgâl ndơ Việt Nam, lễ hội “Ntô̆ n’hao ndơ Việt Nam-Nău uĕh ndơ Việt Nam” năm aơ geh âk nău mhe, đah âk ăp nău ƀư boăt nthoi đah ăp doanh nghiệp, hợp tác xã, rnăk ƀon lan geh âk nău rêh nsum mpôl doanh nghiệp nkra njêng, tăch rgâl ndơ Việt Nam.

Ndrơng ndơ Việt

Lễ hội geh rgop măt bơi 100 ntŭk kan tât bah ăp tập đoàn nkra njêng, tâm pă ndơ, ăp hợp tác xã, rnăk nkra njêng jêt djôt tât ndơ Việt Nam uĕh, âk ntil. 13 năm bah năp, N’gâng kan Công thương lĕ rgŏ jă ăp rơh kơn nuĭh ƀon lan tâm nău rêh kơl an dŏng ndơ Việt Nam n’hanh ntop kơl, rgŏ jă doanh nghiệp nsrôih ntuh kơl, nkra njêng, pă an ndơ, ndoh ndơ uĕh nâp. Tă bah nĕ, rnoh ndơ Việt Nam ta ntŭk tâm pă tăch mhe tâm dak geh 80%-90% n’hanh rlău 60% ta ăp chợ way tăch.