VOV4.M’nông –  Ôi 24/4, ta nkual ƀon têh Kon Tum, N’gâng kan Văn hóa, Thể thao n’hah pâl nđaih tâm rgop đah UBND n’gor Kon Tum ƀư rƀŭn nchră “Pâl nđaih Kon Tum-Nău geh n’hanh mpŏng hao”. Rƀŭn nchră aơ wăch rgum tât râng bơi 500 nuĭh ntoh măt ăp nuĭh mât uănh, nuĭh way kan bôk nău kan; Hiệp hội, tập đoàn doanh nghiệp lữ hành, khách sạn, nchoăn rdêng; ntoh măt tât bah du đêt n’gor Nam Lào, Đông Bắc Campuchia geh nsum trong n’har bri đah n’gor Kon Tum.

Kruanh n'gâng kan Nguyễn Văn Hùng ntoh ngơi ta rƀŭn.

Ntoh ngơi ta rƀŭn nchră, Kruanh N’gâng kan Văn hóa, Thể thao n’hanh Pâl nđaih Nguyễn Văn Hùng mĭn lah, N’gâng kan n’hanh ăp ntŭk ta lam dak dôl geh âk trong mkra, dŭt n’hâm ƀư ăp nău kan gay rdâk hao tay nău ƀư pâl nđiah jêh srê Covid-19. Rƀŭn nchră “Pâl nđaih Kon Tum-Nău geh n’hanh mpŏng hao” lah di an doanh nghiệp mâp, tâm nđŭr, ký ton kan ndrel tâm nău kan pâl nđaih ta ntŭk.

Nuĭh rblang: Y Sưng Phê Ja