VOV4.M’nông- Rơh ntơm pơk SEA Games 31 mbra geh ƀư ta tach tâm rlong Mỹ Đình ta măng nar 12/5. Lĕ rngôch vé lăp uănh ntơm pơk, nglôch lôch, rơh tâm rlong nglâ̆ dŭt n’hanh tâm rlong huy chương đồng chưng play bu klô SEA Games 31 mbra geh đah nău mât uănh bâh rnâng kan leo kan đại hội. Tĭng nĕ, rnâng kan leo kan mbra mô geh tăch vé ta nar ntơm pơk ma kanŭng pă dơm an klâp ma 20 rbăn vé jă năch tât râng uănh dơm, nuĭh tâm rlong, mpôl thể thao ăp dak tât ta tach tâm rlong Mỹ Đình ta rơh ntơm pơk. Nar ntơm pơk SEA Games 31 mbra jŏ tâm 120 mnĭt ta tach tâm rlong Mỹ Đình. Tĭng nău nchrăp, lôch rơh hăn nsong bâh 11 mpôl thể thao, nchrăp Thủ tướng Chính phủ Phạm Minh Chính mbra mbơh ntơm pơk SEA Games 31. Rnâng kan leo kan lĕ mbơh nău tâm rlong, ntĭm đă, nar tâm rlong bâh ăp môn, dơn mbơh dăn bâh 7.878 cán bộ, nuĭh ntĭm nti, nuĭh tâm rlong 11 ngih dak, jă 1299 ăp nuĭh trọng tài, uănh nđôi, nuĭh kan kỹ thuật lam ntur neh, 2.502 phóng viên báo chí tâm n’hanh bah dih dak, pă an 31 ntŭk gŭ rlu an ăp mpôl tât tâm rlong thể thao.

Nuĭh rblang: Thị Đoắt