VOV4.M'nông: Đah nău mpơl gĭt lor "Yor du Đông Nam Á têh dăng lơn” lễ ntơm pơk SEA Games 31 mbra ƀư tâm 8h măng aơ (12/15) ta sân vận động quốc gia Mỹ Đình đah nkô̆ “Ân chrat ang - Let’s shine (lah bôk moh nău mprơ tơm bah SEA Games 31) lah nău rŏng mpơl suan dăng tâm ban tâm mpôl nơm n'hanh nău êng êng bah văn hóa ăp dak Đông Nam Á; kuăl jă nău tâm rnglăp, tâm pă gay nta trong dơh an du mpôl nâp dăng tâm rnôk lam ntŭr neh dôl dâk bah năp ăp rgoh n'gơ n'hanh ntul rlong têh.

Ntơm pơk mbra ƀư  hăn ntroh n'gôr, nău way têk hao cờ Việt Nam n'hanh mprơ Quốc ca, têk hao cờ Đông Nam Á n'hanh SEA Games 31. Lôch rnôk ntơm pơk, 11 nuĭh tâm rlong mbra wơt ŭnh đuốc n'hanh mpoh ang đài đuốc SEA Games 31.

Lễ ntơm pơk mbra rgop mpơl lĕ ăp rup gui dŭt uĕh mpeh du Việt Nam gân djiăng, dêh bên, rŏng năch, ndrel đah ăp dak ASEAN êng ƀa ƀă mbra chrat ang, têh dăng lơn lôch bah kơi nuh srê COVID-19 ma 3 gâl ƀư. Gâl 1: “Việt Nam dêh bên”. Gâl 2: “Đông Nam Á têh dăng”. Gâl 3: “Đông Nam Á chrat ang”./.

Nuĭh rblang: Điểu Thân