VOV4.M’nông- Nar naơ 19/5, ta Đồng Tháp lĕ ntơm geh pơk tâm mâp tâm nđur Sen Đồng Tháp tal 1- năm 2022, nău kan aơ geh ƀư di ta nar kahgĭt 132 năm nar deh bâh Chủ tịch Hồ Chí Minh 19/5. Đah bôk nău “Sen nar mhe”, tâm mâp tâm nđur Sen Đồng Tháp nsĭt leo ăp nău ŭch hun hao bâh Đảng bộ, n’gâng kan n’hanh ƀon lan Đồng Tháp, nchih tay trong kan rdâk njêng n’hanh mbơh n’hơ nău ntơ Neh Sen Hồng.

Kao Sen nău ntĭt an nkual neh Sen Hồng -Đồng Tháp.

 Tâm nđur Sen geh ƀư rnôk ma ăp nău pah kan tăch rgâl, pâl nđaih ntơm geh ndâk nsơm kan tay lôch tă khuch tât bâh nuh srê Covid-19. Wa Phạm Thiện Nghĩa, kruanh UBND n’gor Đồng Tháp an gĭt, rơh tâm nđur Sen rơh aơ mô dơn tâm di đah nău ŭch, tâm nđur, mĭn kan mpeh nău ueh êng ma hôm nha lah rơh gay ma tâm rgop, tâm nđur bâh ăp nuĭh pah kan wăng mpeh Sen, bâh ăp nuĭh ŭch njôt Sen mbơh tơih đah băl mpôl lam ntur neh.

Nuĭh rblang: Thị Đoắt