Tâm nchră Văn hóa 2022 "Nchâp tĭng, trong kơl n'hanh tơm ndơ an hun hao văn hóa” mbra dơi ƀư nar aơ (17/12), ta Trung tâm Văn hóa Kinh Bắc, nkual ƀon têh Bắc Ninh, n'gor Bắc Ninh đah nău tât râng bah 800 đại biểu. Tâm nchră rgum mĭn uănh, rblang tĭng 3 rmôt nkô̆ nău têh lah: Nchâp tĭng, trong kơl n'hanh tơm ndơ an hun hao (lĕ ma tơm nuĭh kan n'hanh tơm prăk) gay đăp mpăn an hun hao văn hoá.

Ndrel đah nê, ăp nuĭh tâm nchră mpeh ăp nău mĭn văn hoá gay saơ kloh nău khlay bah văn hoá, hun hao văn hoá lah đăp mpăn an nău hun hao nâp dăng bah neh dak. Chủ nhiệm Ủy ban Văn hóa, ntĭm nti Nguyễn Đắc Vinh, Kruanh Mpôl leo tâm nchră lah rjăp: Tơm suan ta aơ, nê lah tơm nuĭh kan, jêng lah tơm suan kon nuĭh. Tâl bar lah tơm suan mpeh prăk kaih. Tơm prăk kaih ri mbra rgum bah âk tơm ndơ tâm aơ. Lor bôk năp, he nkoch tât tơm prăk ngân sách ngih dak n'hanh tơm ndơ rgop bah lam nuĭh, bah ăp doanh nghiệp đah nău rgop nsum mpôl bah lam ƀon lan, mbluh soih tơm ndơ gay njêng dơi ntŭk gŭ rêh uĕh lơn gay văn hoá hun hao.

VOV/Nuĭh rblang: Điểu Thân