VOV4.M’nông – Nkah gĭt 77 năm nar ndâk njêng Radio Nău ngơi Việt Nam, ta Ntŭk ntuh ngơi ngih dak 58 Quán Sứ Hà Nội, Radio Nău ngơi Việt Nam ƀư Rgum tâm nđŭr njroh mprơ nkual mpeh Bắc. Đah nkô̆ nău rnê rhơn nău rŏng ƀon tơm, neh dak, rhơn Đảng, Wa Hồ he, rnê rhơn nău way ơm bah Radio Nău ngơi Việt Nam, ăp cán bộ, phóng viên, biên tập viên, phung pah kan viên chức, nuĭh pah kan ăp ban, ăp ntŭk kan gŭ ta lam dak lĕ djôt tât rgum njroh mprơ ăp nkô̆ nău nghệ thuật uĕh, blău.

Nău mprơ bah Ban Thời sự VOV1 đah tât râng bah cán bộ n’hanh âk phóng viên, biên tập viên

Rgum tâm nđŭr njroh mprơ di an cán bộ, công chức, viên chức nkah tay lịch sử way ơm janh dăng bah Radio Nău ngơi Việt Nam hăn ndrel đah neh dak bah nar Quốc khánh, rlău 2 rơh tâm lơh tâm su, tâm rnôk rgâl mhe n’hanh ndâk njêng, mât njrăng neh dak tât aƀaơ. Rgop ndâk tay nău rŏng, nău ntô̆ n’hao nău kan, nău ŭch, lĕ nău kan bah nuĭh ƀư báo, mât ndrăy n’hanh ƀư uĕh nău way ơm, rgop an hun hao bah neh dak. Rgum njroh mprơ lah di an ăp ntŭk kan tâm Radio tâm nđŭr, nti nsơm, tâm rgâl nău blău ơm, rgop uĕh tâm rnglăp đah ăp ntŭk kan, lôch uĕh nău kan chính trị dơi jao.

Măng nđaơ 6/9, ƀư an ndơ nkhôm Tiếng Nói Việt Nam năm 2022. Ăp nău mprơ uĕh ta ăp nkual tâm dak râng njroh mprơ, rhơn 77 năm ndâk njêng Radio Nău ngơi Việt Nam.

Nŭih blang: Y Sưng Phê Ja