VOV4.M’nông-Kêng măng nar 5/5, ta nkuăl ƀon têh Hồ Chí Minh geh ƀư rơh ký tâm ton tâm kơl “Fado Go hăn ndrel đah V Gaming tâm rlong SEA Games 31 năm 2022”. Tĭng nĕ, Fado Go mbra geh kơl an 2 mpôl tâm rlong E-Sport thể thao điện tử mpeh nău way kan n’hanh ăp ntil ndơ pă an bâh ăp mpôl tâm rlong E Sport geh nău dơi âk ta rơh tâm rlong. Tâm kơl đah bar ding lĕ nta nău dơh nơih an nuĭh dŏng geh rvăt năp ăp ntil ndơ bâh mpôl tâm rlong E-Sport bâh trong kan sinh thái bâh Fado Go. Rlău ma nĕ, Fado Go ton mbra ntuh kơl rnoh kan gay ma ntrôl ntŭk rêh jêng nuĭh ŭch rŏng tâm rlong thể thao điện tử, kơl an n’gâng kan E -sport hun hao ueh n’hanh nâp nâl. Aƀaơ nău dơi bâh thể thao điện tử dŭt têh jêng nău hăn ndrel đah ăp mpôl tâm rlong mbra ntop kơl an E-Sport tât dăch lơn đah ƀon lan n’hanh njêng bôk nău hun hao nâp nâl tâm let năp tay. năp lor, bâh nău tâm kơl aơ mpeh nuĭh ntuh kơl ŭch mbra dơi geh kơl an Việt Nam n’hao nău dơi geh huy chương vàng ta SEA Games ta dak nơm.

Nuĭh rblang: Thị Đoắt