VOV4.M’nông: Nuĭh Bunong ta Dak Lak, Dak Nông geh nău rêh dăch dêh đah bri, hăn ndrel dak nor. Ăp ndơ dŏng gay gâm ăp ndơ sa ăp nar dŭt âk bah bri n’hanh tâm mir.

Ăp rơh hăn tâm bri mô lah hăn tâm bri, nuĭh Bunong dŏng ndơ ơm geh tâm bri, tâm mir gay gâm ăp ndơ sa. Ăpbiăp n’hanh ăp ndơ dŏng ơm geh tâm bri da dê. Nô Y Xim Du, ta ƀon Yuk La 1, xă Đăk Liêng, nkuăl Kăk, n’gor Dak Lak an gĭt:

“Ndơ sa bah Bunong geh tăng mô lah ƀư ndơ sa srat ma dŭt âk lah ndơ gŭch mô lah gâm. Ma ndơ sa gâm dŭt âk gâm prung tâm dĭng ngâr, dĭng nkar, mô dŏng glah gay gâm. Trau prung lah ngoăy tâm âk ndơ sa kah bah nuĭh Bunong”.

Biăp poăch, boh ƀot ngot dơi gâp tâm dĭng ngâr

Biăp ƀư jêng ntĭt mpơl êng bah trau prung lah dĭng ngâr rsuêl lĕ rngôch ăp ndơ lor gay n’gơ ta ŭnh prung an sĭn. Biăp n’hanh ăp ndơ poăch dơi gâm tâm dĭng ngâr jêng nuĭh Bunong kuăl lah Prung. Nô Y Xim an gĭt tay:

pâr kro dơi đŏng, pơng mbra kah lơn, hôm biăp ri mbra pĕ biăp tâm bri n’hanh nkŭr djiêl. He sre djiêl n’hanh plôk sŏk gôl nse gay gâm, pơng geh tăng n’hanh lah he sa geh kah tăng. Biăp nse ri pơng njŭng, ndơ cheh geh bôh n’hanh ƀot nôt n’hanh mrăch”.

Jêh rnôk pĕ biăp n’hanh rao kloh, rsuêl tâm trôm dĭng, koh poăch rlet jêt, nkŭr djêl prăch gâl nklăch tâm dĭng, sŏk n’ha prit nkêt n’hanh an n’gơ ta ŭnh, nuĭh gâm mbra kâp uănh plăch dĭng na nao gay an dĭng mô ŭnh sa. Nklăp 30 mĭt  trau sĭn mbra sŏk mâng sur tâm dĭng trau. N’glĕ dŭt rsuh dĭng trau n’hanh sa. Nô Y Xim Du nkọc, rnôk sa ndơ sa kah aơ, bu mbra tăng ƀô kah êng.

Nô Y Xim Du n’hanh năch Ấn Độ sa trau prung

 “Ndơ sa aơ hăn ndrel đah nău rêh bah nuĭh Bunong, pơng nkoch nău rêh geh ơm bah khân pơng. Biăp gâm tâm bri jêng pơng nkoch nău rêh uĕh tâm bri hăn ndrel đah yôk nor đah bri dak”.

Yor nău uĕh êng bah trau prung jêng ăp nuĭh kon Bunong bôl hăn ngăn hôm e nkah gĭt đah ndơ sa trau prung bah rnoi nơm. Bôl mô jêr yơn nău kah bah yôk bri. Trau prung nkoch lĕ nău uĕh ntĭt mpơl tâm rnôk pah kan, tuch tăm, gŭ âm ăp nar n’hanh nău tâm uănh đah bri dak yôk nor bah nsum mpôl Bunong.

          Nuĭh rblang: Y Sưng Phê Ja