VOV4.M’nông-Kanŭng hôm đê̆ nar dơm, Đại hội thể thao Đông Nam Á tal 31 SEA Games 31 ntơm geh pơk. SEA Games rơh aơ geh ƀư ta Hà nội n’hanh 11 n’gor, nkuăl ƀon têh dăch meng đah nău tât râng bâh rlău 7.800 nuĭh tâm rlong, nuĭh nti, cán bộ bâh 11 mpôl thể thao ăp dak ta nkual. Thủ đô Hà Nội lah ntŭk tơm, ntŭk leo ƀư ntơm pơk, nglôch lôch 18 môn tâm rlong ta 14 ntŭk, yor nĕ, nău kan nchrăp lĕ geh ƀư ngăch ndăn n’hanh lĕ lôch, mbra kâp vơt đại hội. Ta Bắc Giang, ntŭk tâm rlong thể thao n’gor lĕ lôch nău nchrăp an ăp rơh tâm rlong cầu lông SEA Games 31 bâh nar 16 tât 22/5. Ta Hải Dương, môn bóng bàn lĕ geh ƀư ta ngih tâm rlong Hải Dương bâh nar 13 tât 20/5. N’gor lĕ geh pă dăp rnoh prăk klâp ma 10 rmen prăk ntop tay, nkra mhe, ƀư ueh ndơ dŏng ta ngih tâm rlong. Ta n’gor Hòa Bình, nău kan nchrăp tâm rlong ndeh vah jâng Sea Games 31 lĕ geh ƀư. Ngăn lah ta Phú Thọ, ngih tâm rlong n’gor lĕ nchrăp an nău leo ƀư tâm rlong chưng play U23+3 Sea Games 31.